Deputetja e PDK-së, Eliza Hoxha, vlerëson se njëra nga mundësitë për ta kundërshtuar ngritjen e çmimit të energjisë është çuarja e çështjes në Gjykatën Kushtetuese.
Sipas saj tarifat e reja të miratuara janë diskriminuese dhe shkelje e të drejtave.
“Ka diskriminim në aspektin e kategorive qytetare. Janë 30 përqind që preken më shumë, pastaj ka diskriminim etnik sepse qytetarët në pjesën veriore nuk paguajnë dhe mandej është diskriminimi ekonomik – janë të liruara bizneset”, është shprehur Hoxha, njofton Klan Kosova.
“Po preket qytetari i rëndomtë dhe jo bizneset. Një mënyrë për ta kundërshtuar këtë është Kushtetuesja, sepse ka shkelje të të drejtave themelore të njeriut. Kjo është e pafalshme që vetëm një pjesë e qytetarëve të marrë barrën”.
Hoxha në Edicionin Special është shprehur se problem është edhe mungesa e një strategjie për të ardhmen, përveç subvencionimit.
