A do të zëvendësohet mësimi i humbur, deklarohet Këshilli i Prindërve

-

“Mësimi të shtunave është gabim e ai do të refuzohet arsyeshëm”, ka thënë Këshilli i Prindërve i Kosovës të shtunën e 15 tetorit, në të shtunën e parë që është paraparë për kompensim të orëve të humbura të grevës së shtatorit, sipas kalendarit të ri shkollor, bazuar në vendimin e Ministrisë së Arsimit.

Në disa shkolla në vend është raportuar për bojkot të madh të nxënësve, ndërsa pasdite Këshilli i Prindërve ka thënë se “është vërtetuar” që deklaratat e deritashme janë vullnet i prindërve, “i bazuar në të drejtën e nevojën e fëmijëve për të drejta, për pushim dhe aktivitet jashtëshkollor”.

“Neve, prindërve, na kanë mbështetur për muri vendimet arbitrare dhe mohuese të të drejtave të fëmijëve vazhdimisht (edhe nga institucionet) andaj zëri ynë duhet të jetë sa i fuqishëm e masiv, aq edhe legjitim, i arsyeshëm, i urtë e i bazuar. Mësimi nuk bëhet me zor! Kjo nuk po kuptohet drejt! Mësimi të shtunave është gabim e ai do të refuzohet arsyeshëm! Një veprim civil, dinjitoz, i paanshëm e shumë i drejtë i mbrojtjes së fëmijëve u bë sot!” thuhet në njoftim.

Mbështetur në kalendarin e ri shkollor të miratuar nga MASHT-i, në tetë javët në vijim do të organizohet procesi mësimor edhe të shtunave, si kompensim për orët e humbura gjatë shtatorit, kur mësimdhënësit ishin në grevë. SBASHK-u dhe Këshilli i Prindërve kanë kërkuar një modalitet tjetër zëvendësimi. Por, disa komuna, përfshirë Prishtinën, u kanë kërkuar shkollave që të shtunën mësimi të mbahet konform vendimit të Ministrisë. Megjithatë, në shumë shkolla mësimdhënësit kanë qëndruar pa nxënës në objekte shkollore.

Dy ditë më parë kryetari i SBASHK-ut Rrahman Jasharaj, në një konferencë për media bëri të ditur se zëvendësimi i orëve të humbura nuk do të bëhet derisa Ministria t’i ftojë në takim sindikalistët dhe të dakordohen për modalitetin e zëvendësimit.

Përmes kësaj greve, e cila u pezullua në fillim të këtij muaji pa ndonjë marrëveshje nga Qeveria, mësimdhënësit kërkonin nga 100 euro shtesë mbi pagë për çdo muaj deri në miratimin dhe hyrjen në fuqi të Ligjit për Paga.

Follow us in Facebook,Instagram

113,363FansLike
887FollowersFollow

Postimet e fundit

WP Radio
WP Radio
OFFLINE LIVE