Eksulizve: për kaq muaj do të vlenë rritja e qmimeve të rrymes. Pastaj rikthehen siq kane qene

-

Kryesuesi i bordit të Zyrës së Rregullatorit për Energji, Ymer Fejzullahu ka thënë se vendimi që pritet të merret për shtrenjtimin e energjisë elektrike do të jetë në fuqi nga 1 shkurti deri më 31 mars të vitit 2023, raporton GExpress.

Ai tha në Komisionin për Ekonomi, Industri, Ndërmarrësi dhe Tregti se në maj të vitit 2023, ZRRE-ja do ta rishikojë gjendjen dhe do të marrë vendim sërish.

Zejnullahu ka propozuar që për qytetarët që nuk mund t’i përballojnë çmimet e energjisë elektrike të krijohet një fond përmes së cilit ata do të ndihoheshin nga institucionet.

“Konsumatorët të cilët nuk mund t’i përballojnë çmimet e energjisë elektrike duhet të mbështeten për shkak se janë një kategori konsumatorësh siç janë pensionistët dhe kategori të tjera që as nuk trajtohen si raste sociale, por e kanë vështirë t’i përballojnë çmimet e energjisë elektrike edhe me çmimet ekzistuese”, tha ai.

“Prandaj, unë kërkoj që ky fond të krijohet sa më parë, për shkak që do t’ia lehtësonte punën edhe ZRRE-së, e në të njëjtën kohë, do t’i mbronte atë kategori të konsumatorëveqë janë të cenueshëm e të cilit e kemi obligim bashkërisht me i mbështetë”, shtoi Zejnullahu.

Kryesuesi i ZRRE-së përmendi edhe faktin se sivjet kanë ndodhur “fatkeqësi” me ndaljen e furnizimit me rrymë nga Termokosi dhe rënien e dy blloqeve në termocentralin Kosova B.

“Dhjetë vitet e fundit, asnjëherë nuk ka ndodhë me ra dy B-ja. Ka qenë fatkeqësi që këtë vit për një kohë shumë të shkurtër kanë qenë dy B-jat jashtë funksionit. Nëse i merrni të dhënat historike, mund ta shihni. Termokosi prej vitit 2015, asnjëherë s’kemi pasur ndërprerje të furnizimit me ngrohje. Këtë vit ka ndodh”, tha ai, duke shtuar një shprehje të popullit.

“Kjo është fatkeqësi që thotë populli këto të këqijat kur fillojnë me ardhë, vijnë përnjëherë.”

Follow us in Facebook,Instagram

113,363FansLike
887FollowersFollow

Postimet e fundit

WP Radio
WP Radio
OFFLINE LIVE