Qeveria ekzekuton pagesat për pensione. Nuk ka pension nën 100 euro
Ministri i Financave, Hekuran Murati, ka njoftuar se sot është realizuar pagesa e pensioneve për 293 mijë e 347 përfitues.
“Shpresojmë që ky ndryshim u ndihmon familjeve sadopak ta shtyjnë muajin, sidomos tani në janar, sepse shumica kanë pasur shpenzime më të larta se zakonisht për shkak të festave të fundvitit”, ka shkruar Murati, transmeton Klankosova.tv.
Me vendimin e fundit të qeverisë, pagesat për pensione tani do të ekzekutohen në mes të muajit, ndërkohë që po ashtu nuk do të ketë pension me vlerë nën 100 euro.
